L'identità SPID

L’aministrazion chemunela fej al savëi, che da agost 2021 inant pudrà uni zitadin se lascé ativé l’identità SPID tres l provider Lepida.

Cie iepa SPID?

Cun l’identità SPID, l Sistem Publich de Identità Digitela, possen avëi azes a duc i servijes dla publica aministrazion lochela y nazionela tres na identità digitela unica (username y password), che n possa adurvé da computer, tablet y smartphone. L’ativazion de chësta identità ie debant.

Chi possapa se lascé ativé na identità SPID?

L’identità SPID vën data ora a duc i zitadins, taliani y nce fulestieres de majerà età, che à n documënt de identità che vel y che ie unì dat ora da na autorità taliana.

L ie de bujën de se registré danora online:

I zitadins che uel se lascé ativé na identità SPID cun Lepida muessa se registré danora online sota chësc link y damandé pona l’ativazion te Chemun.

Documentazion che ie de bujën per l’ativazion online:

• n documënt de identità che vel y che ie unì dat ora da na autorità taliana (Cherta de identità, Pas o Patent)
• la cherta sanitera che vel
• na adres e-mail persunela
• l numer de telefon persunel, che sarà da mustré su tla fasa de registrazion

Apuntamënt:

L’ativazion de na identità SPID vën data ora me sun apuntamënt. N possa fé ora n apuntamënt dal lunesc al vënderdi dala 08:15 ala 12:15, cherdan su l numer de telefon +39 0471 77 2113 o se prejentan tl ufize demografich.
Pra uni apuntamënt uniral me ativà una na identità SPID. Tl cajo che plu cumpunënc dla familia ëssa de bujën dl’ativazion de na identità SPID iel de bujën de fé n apuntamënt per uni singula persona.

Plu nfurmazions sun l'identità SPID cun Lepida possen abiné tlo.

09/08/2021