Autri link sun chësc argumënt:
| Cunzescion per frabichè |
Descrizion |
| atività sotmetuda ala prozedura |
Uni persona che uel frabiché da nuef o amplië costruzions ejistëntes o mudé si strutura o si cialé ora, muessa damandé al Ambolt dl chemun la cunzescion per pudëi l fé.
Uni atività che cumporta na trasfurmazion urbanistica y edilizia dl teritore cumenel muessa tò pert ala spëises che ie liedes limpea y l’esecuzion di lëures ie sometuda a cunzescion da pert dl ambolt aldò de chësta lege. |
| cundizions |
L dumandant muessa desmustré de avëi l titul per giaté la cunzescion per frabiché y plu avisa muessel vester:
-
patron dl grunt da frabiché;
-
chël che à l dërt de frabiché sëura tiera o chël che à l dërt de frabiché sota tiera;
-
fitadin-erp (me per chëla pert che ie unida tëuta n cunscidrazion tl cuntrat de fit);
-
usufrutuèr y chël che à l dërt de nuzazion y de abitazion (me per lëures de manutenzion urdinèra, straurdinèra y per derturé sù);
-
chëi che à l dërt de nuzazion de terac sfurzà o ulentèr (cundotes dla lectrisc, agaduc, purtoies dai schi – me per lëures de manutenzion);
-
fitadin (me per la manutenzion straurdinèra y da fé riësc);
-
chël che ti ie unì assenià grunc ti raions de espanscion y per nsediamënc produtifs (da njunté copia dla deliberazion de asseniazion);
-
ënc publics (Chemun, Provinzia y nsci inant);
- azienda de servijes publics (ENEL, Telecom y nsci inant);
|
| cie ie pa da fé? |
L muessa unì dat ju na dumanda scrita sun papier bulà (€ 14,62) te chëla che l vën dat sëura de ciche l se trata, la dates sun la persona cun l codesc fischél y la firma dl dumandant y dl proietant cun ndicazion dl numer de iscrizion tl register prufescionel. |
| documentazion debujën |
Ala dumanda muessa unì njuntà te trëi copies la documentazion che vën do:
-
relazion tecnica;
-
scheda de ressumé aldò dl art. 3 D.P.J.P. 22.10.2007, nr. 56;
-
plantes de duc i partimënc n scala 1:100 cun ndicazion dla destinazion di locai;
-
sezions y fassades n scala 1:100;
-
dates urbanistiches: calculazion dla cubatura urbanistica cun desmustrazion grafica y analitica dla cubatura;
-
estrat de mapa y dl plann urbanistich chemunel;
-
planimetria n scala 1:100 cun ndicazion dla distanzes dai cunfins;
-
relevamënt dla situazion coche la ie al mumënt;
-
documentazion tecnica y grafica y relazion per la eliminazion y l superamënt dla barieres architetoniches aldò dla L.P. nr. 7/2002 y dl regulamënt de esecuzion revardënt D.P.P. 19.08.2005, nr. 38;
- formular per giaté l bënsté scrit dant dla Ripartizion provinziela per l turism aldò dl art. 7, coma 4 dl regulamënt sun l ampliamënt de esercizes publics D.P.J.P. 18.10.2007, nr. 55 (per ampliamënc cualitatifs y cuantitatifs);
|
| termins |
La dumanda de cunzescion per frabiché muessa unì data ju doi enes dan la data fisseda per la senteda dla cumiscion chemunela dl frabiché, che vën tenida uni mëns. La data dla senteda dla cumiscion dl frabiché y la data per dé ju la dumandes vën publicheda uni mëns sun la plata internet dl Chemun. |
| referimënc normatifs |
lege provinziela 11 agost 1997, nr. 13 "Lege urbanistica provinziela"
decret dl Presidënt dla Jonta provinziela 23 de fauré 1998, nr. 5 "Regulamënt de esecuzione ala legge urbanistica provinziela"
plann urbanistich chemunel y normes de atuazion revardëntes
planns de atuazion
regulamënt chemunel per l frabiché |
